اتممت بحمد الله نقل مدونتي من موقعي الخاص الى بلوجر. بالرغم من اني تعبت في تصميم هذه المدونة وتطويرها باستخدام ووردبريس وكان الناتج مرضي الى حد كبير لكن بصراحة الفكرة دي جتلي لما قريت مقالة في مجلتي المفضلة بعنوان Twitter, Flickr, Facebook Make Blogs Look So 2004 وذلك للعديد من الأسباب منها:
- انا لست مدوناً محترفاً
زي اي مدون في بداياته تخيلت اني هاكتب مقالة مهمة وعظيمة كل اسبوع على الأقل :) ومدونتي هاتبقى مزار لكل الباحثين عن الحكمة :) و طبعاً مش هالاحق عالفلوس اللي هاتجيلي من الإعلانات. طبعاً بعد اول خمس بوستات انتهى الحماس وقعدت اكثر من 6 شهور من غير ماكتب حرف واحد. طالما مش هادون باستمرار يبقى ايه لازمة اني اقعد اصمم واطور واحدث في الورد بريس. - مجهود اقل في صيانة المدونة
سواء على وورد بريس او بلوجر، كل اللي انا محتاجه افتح حساب واكتب، مش هاقعد انشيء داتابيس واحدث في السوفتوير وحمل اضافات... الخ. - كتاباتي موجودة بدون انقطاع وللابد
ماذا يحدث لو نسيت اجدد اشتراك الدومين او الهوستنج او ماكنتش اقدر اوصل للنت علشان ادفع او مريض او توفاني الله؟ المدونة المجانية موجودة للابد (او لحد ما جوجل تقفل، ايهما اقرب) - مجتمع بلوجر
لاحظت ان مدونتي لم ياتها زوار او تعليقات بنفس حجم الإقبال على مدونات اصدقائي في بلوجر. حقيقة مجتمع المدونين العرب على بلوجر اكثر من رائع
المشاركات
